Murakaza neza - Kwiga Bibiliya

Bibiliya Menya Ukuri Amashusho Ibibazo n'Ibisubizo Isomero

Gereranya Bibiliya

Abaheburayo 3

Kinyarwanda

1Ni cyo gituma bene Data bera, mwebwe abafatanije guhamagarwa kuva mu ijuru mukwiriye gutekereza Yesu, ari we ntumwa n’umutambyi mukuru w’ibyo twizera tukabyatura,

2ukiranukira Iyamutoranije nk’uko Mose yakiranukaga mu nzu yayo hose.

3Kuko Yesu yatekerejwe ko akwiriye guhabwa icyubahiro kirusha icya Mose, nk’uko icyubahiro cy’umwubatsi kiruta icy’inzu,

4kuko amazu yose agira uyubaka, ariko Imana ni yo yubatse ibintu byose.

5Kandi koko Mose yakiranukaga mu nzu yayo hose nk’umugaragu, kugira ngo abe umugabo wo guhamya ibyajyaga kuvugwa hanyuma.

6Ariko Kristo akiranuka nk’Umwana utwara inzu yayo. Iyo nzu yayo ni twe niba dukomeza rwose ubushizi bw’amanga n’ibyiringiro twiratana, ngo bikomere kugeza ku mperuka.

7Nuko rero nk’uko Umwuka Wera avuga ati “Uyu munsi nimwumva ijwi ryayo,

8Ntimwinangire imitima, Nk’uko mwayinangiye mu gihe cyo kurakaza, Ku munsi wo kugerageza mu butayu,

9Aho ba sekuruza banyu bangeragereje bantata, Bakabona imirimo yanjye imyaka mirongo ine.

10Ni cyo cyatumye ngirira umujinya ab’icyo gihe, Nkavuga nti ‘Imitima yabo ihora iyoba, Kandi ntibarakamenya inzira zanjye’,

11Nuko ndahirana umujinya wanjye nti ‘Ntibazinjira mu buruhukiro bwanjye.’

12Nuko bene Data, mwirinde hatagira uwo muri mwe ugira umutima mubi utizera, umutera kwimūra Imana ihoraho.

13Ahubwo muhugurane iminsi yose bikitwa uyu munsi, hatagira uwo muri mwe unangirwa umutima n’ibihendo by’ibyaha.

14Kuko twahindutse abafatanije Kristo niba dukomeza rwose ibyiringiro byacu twatangiranye, ngo bikomere kugeza ku mperuka

15nk’uko bivugwa ngo “Uyu munsi nimwumva ijwi ryayo, Ntimwinangire imitima, Nk’uko mwayinangiye mu gihe cyo kurakaza.”

16Mbese ni bande bumvise bakayirakaza? Si abavuye muri Egiputa bose bashorewe na Mose?

17Kandi ni bande yagiriraga umujinya imyaka mirongo ine? Si abacumuye bakagwa, intumbi zabo zigahera mu butayu?

18Ni bande yarahiriye ko batazinjira mu buruhukiro bwayo? Si abatayumviye?

19Kandi tubona ko batashoboye kwinjiramo kuko batizeye.

Hebrews 3

3

¹Wherefore, holy brethren, partakers of the heavenly calling, consider the Apostle and High Priest of our profession, Christ Jesus; ²Who was faithful to him that appointed him, as also Moses was faithful in all his house. ³For this man was counted worthy of more glory than Moses, inasmuch as he who hath builded the house hath more honour than the house. ⁴For every house is builded by some man; but he that built all things is God. ⁵And Moses verily was faithful in all his house, as a servant, for a testimony of those things which were to be spoken after; ⁶But Christ as a son over his own house; whose house are we, if we hold fast the confidence and the rejoicing of the hope firm unto the end. ⁷Wherefore (as the Holy Ghost saith, To day if ye will hear his voice, ⁸Harden not your hearts, as in the provocation, in the day of temptation in the wilderness: ⁹When your fathers tempted me, proved me, and saw my works forty years. ¹⁰Wherefore I was grieved with that generation, and said, They do alway err in their heart; and they have not known my ways. ¹¹So I sware in my wrath, They shall not enter into my rest.) ¹²Take heed, brethren, lest there be in any of you an evil heart of unbelief, in departing from the living God. ¹³But exhort one another daily, while it is called To day; lest any of you be hardened through the deceitfulness of sin. ¹⁴For we are made partakers of Christ, if we hold the beginning of our confidence stedfast unto the end; ¹⁵While it is said, To day if ye will hear his voice, harden not your hearts, as in the provocation. ¹⁶For some, when they had heard, did provoke: howbeit not all that came out of Egypt by Moses. ¹⁷But with whom was he grieved forty years? was it not with them that had sinned, whose carcases fell in the wilderness? ¹⁸And to whom sware he that they should not enter into his rest, but to them that believed not? ¹⁹So we see that they could not enter in because of unbelief.

public domain (Public domain)