Murakaza neza - Kwiga Bibiliya

Bibiliya Menya Ukuri Amashusho Ibibazo n'Ibisubizo Isomero

Gereranya Bibiliya

Abakolosayi 3

Kinyarwanda

1Nuko rero niba mwarazuranywe na Kristo, mujye mushaka ibiri hejuru aho Kristo ari, yicaye iburyo bw'Imana.

2Mujye muhoza umutima ku biri hejuru atari ku biri mu si,

3kuko mwapfuye kandi ubugingo bwanyu bukaba bwarahishanywe na Kristo mu Mana.

4Kandi ubwo Kristo ari we bugingo bwacu azerekanwa, namwe muzaherako mwerekananwe na we muri mu bwiza.

5Nuko noneho mwice ingeso zanyu z'iby'isi: gusambana no gukora ibiteye isoni, no kurigira no kurarikira, n'imyifurize yose ari yo gusenga ibigirwamana,

6ibyo ni byo bizanira umujinya w'Imana abatumvira.

7Kandi namwe mwabigenderagamo kera, ubwo mwahoraga muri byo.

8Ariko none mwiyambure ibi byose: umujinya n'uburakari, n'igomwa no gutukana, kandi ntihakagire amagambo ateye isoni aturuka mu kanwa kanyu.

9Ntimukabeshyane ubwo mwiyambuye umuntu wa kera n'imirimo ye,

10 mukambara umushya uhindurirwa mushya kugira ngo agire ubwenge, kandi ngo ase n'ishusho y'Iyamuremye.

11Aho ntihaba Umugiriki cyangwa Umuyuda, uwakebwe cyangwa utakebwe, cyangwa umunyeshyanga rigawa cyangwa Umusikuti, cyangwa imbata cyangwa uw'umudendezo, ahubwo Kristo ni byose kandi ari muri bose.

12Nuko nk'uko bikwiriye intore z'Imana zera kandi zikundwa, mwambare umutima w'imbabazi n'ineza, no kwicisha bugufi n'ubugwaneza no kwihangana,

13mwihanganirana kandi mubabarirana ibyaha, uko umuntu agize icyo apfa n'undi. Nk'uko Umwami wacu yabababariye, abe ari ko namwe mubabarirana.

14Ariko ibigeretse kuri ibyo byose mwambare urukundo, kuko ari rwo murunga wo gutungana rwose.

15Mureke amahoro ya Kristo atwarire mu mitima yanyu, ayo mwahamagariwe kuba umubiri umwe, kandi mugire imitima ishima.

16Ijambo rya Kristo ribe muri mwe rigwiriye rifite ubwenge bwose, mwigishanye, muhugurane muri zaburi n'indirimbo n'ibihimbano by'umwuka, muririmbirirana Imana ishimwe mu mitima yanyu.

17Kandi icyo muzavuga cyose n'ibyo muzakora, mujye mubikora byose mu izina ry'Umwami Yesu, mushima Imana Data wa twese ku bw'uwo.

18Bagore, mugandukire abagabo banyu nk'uko bikwiriye abari mu Mwami wacu.

19Bagabo, namwe mukunde abagore banyu ntimubasharirire.

20Bana, mwumvire ababyeyi banyu muri byose, kuko ibyo ari byo Umwami ashima

21Ba se, ntimukarakaze abana banyu batazinukwa

22Mbata, mwumvire ba shobuja bo ku mubiri muri byose, ntimubakorere bakibareba gusa ngo muse n'abanezeza abantu, ahubwo mubakorere mutaryarya mu mitima yanyu mwubaha Imana.

23Ibyo mukora byose mubikore mubikuye ku mutima, nk'abakorera Shobuja mukuru badakorera abantu,

24muzi yuko muzagororerwa na we muhawe wa murage, kuko mukorera Shobuja mukuru Kristo.

25Ariko ukiranirwa aziturwa nk'uko yakiraniwe, kandi ntihariho kurobanurwa ku butoni.

Colossians 3

3

¹If ye then be risen with Christ, seek those things which are above, where Christ sitteth on the right hand of God. ²Set your affection on things above, not on things on the earth. ³For ye are dead, and your life is hid with Christ in God. ⁴When Christ, who is our life, shall appear, then shall ye also appear with him in glory.

⁵Mortify therefore your members which are upon the earth; fornication, uncleanness, inordinate affection, evil concupiscence, and covetousness, which is idolatry: ⁶For which things’ sake the wrath of God cometh on the children of disobedience: ⁷In the which ye also walked some time, when ye lived in them. ⁸But now ye also put off all these; anger, wrath, malice, blasphemy, filthy communication out of your mouth. ⁹Lie not one to another, seeing that ye have put off the old man with his deeds; ¹⁰And have put on the new man, which is renewed in knowledge after the image of him that created him: ¹¹Where there is neither Greek nor Jew, circumcision nor uncircumcision, Barbarian, Scythian, bond nor free: but Christ is all, and in all. ¹²Put on therefore, as the elect of God, holy and beloved, bowels of mercies, kindness, humbleness of mind, meekness, longsuffering; ¹³Forbearing one another, and forgiving one another, if any man have a quarrel against any: even as Christ forgave you, so also do ye. ¹⁴And above all these things put on charity, which is the bond of perfectness. ¹⁵And let the peace of God rule in your hearts, to the which also ye are called in one body; and be ye thankful. ¹⁶Let the word of Christ dwell in you richly in all wisdom; teaching and admonishing one another in psalms and hymns and spiritual songs, singing with grace in your hearts to the Lord. ¹⁷And what soever ye do in word or deed, do all in the name of the Lord Jesus, giving thanks to God and the Father by him.

¹⁸Wives, submit yourselves unto your own husbands, as it is fit in the Lord. ¹⁹Husbands, love your wives, and be not bitter against them. ²⁰Children, obey your parents in all things: for this is well pleasing unto the Lord. ²¹Fathers, provoke not your children to anger, lest they be discouraged. ²²Servants, obey in all things your masters according to the flesh; not with eyeservice, as menpleasers; but in singleness of heart, fearing God: ²³And what soever ye do, do it heartily, as to the Lord, and not unto men; ²⁴Knowing that of the Lord ye shall receive the reward of the inheritance: for ye serve the Lord Christ. ²⁵But he that doeth wrong shall receive for the wrong which he hath done: and there is no respect of persons.

public domain (Public domain)