Murakaza neza - Kwiga Bibiliya

Bibiliya Menya Ukuri Amashusho Ibibazo n'Ibisubizo Isomero

Gereranya Bibiliya

Yakobo 5

Kinyarwanda

1Ngaho yemwe batunzi mwe, nimurizwe muborozwe n’ibyago mugiye kuzabona.

2Ubutunzi bwanyu buraboze, n’imyenda yanyu iriwe n’inyenzi,

3izahabu zanyu n’ifeza zanyu ziriwe n’ingese. Ingese yazo ni yo izaba umugabo wo kubahamya, izarya imibiri yanyu nk’umuriro. Mwabitse ubutunzi bwanyu mu minsi y’imperuka.

4Dore, ibihembo by’abasaruzi basaruye imirima yanyu, ibyo mwabimishije uburiganya birataka, kandi umuborogo w’abo basaruzi winjiye mu matwi y’Uwiteka Nyiringabo.

5Mwadamarariye mu isi mwishimira ibibanezeza bibi, mwihagije mu mitima ku munsi wo kurimbuka.

6Umukiranutsi mwamuciriye ho iteka, muramwica atabarwanya.

7Nuko bene Data, mwihangane mugeze aho Umwami Yesu azazira. Dore umuhinzi ategereza imyaka y’ubutaka y’igiciro, ayirindira yihanganye kugeza aho azabonera imvura y’umuhindo n’iy’itumba.

8Mube ari ko namwe mwihangana, mwikomeze imitima kuko kuza k’Umwami Yesu kubegereye.

9Ntimwitotombane bene Data, mudacirwa ho iteka dore umucamanza ahagaze ku rugi.

10Abahanuzi bahanuye mu izina ry’Umwami Imana mubakureho icyitegererezo cyo kurenganywa no kwihangana.

11Mwibuke yuko abihanganye tubita abanyehirwe. Mwumvise ibyo kwihangana kwa Yobu, kandi muzi ibyo Umwami Imana yaherutse kumugirira kuko ifite imbabazi nyinshi n’impuhwe.

12Ariko bene Data ikiruta byose, ntimukarahire naho ryaba ijuru cyangwa isi, cyangwa n’indi ndahiro yose, ahubwo ijambo ryanyu ribe “Yee, Yee”, “Oya, Oya”, kugira ngo mudacirwa ho iteka.

13Mbese muri mwe hariho ubabaye? Nasenge. Hariho unezerewe? Naririmbire Imana.

14Muri mwe hariho urwaye? Natumire abakuru b’Itorero, bamusabire bamusīze amavuta mu izina ry’Umwami.

15Kandi isengesho ryo kwizera rizakiza umurwayi Umwami amuhagurutse, kandi naba yarakoze ibyaha azaba abibabariwe.

16Mwaturirane ibyaha byanyu kandi musabirane, kugira ngo mukizwe. Gusenga k’umukiranutsi kugira umumaro mwinshi, iyo asenganye umwete.

17Dore Eliya yari umuntu umeze nkatwe asaba cyane ko imvura itagwa, imvura imara imyaka itatu n’amezi atandatu itagwa.

18Arongera arasenga, nuko ijuru rigusha imvura, ubutaka bumeza imyaka yabwo.

19Bene Data, nihagira umuntu muri mwe uyoba, avuye mu kuri undi akamuyobora,

20mumenye yuko uyobora umunyabyaha akamukura mu nzira ye yayobeyemo, azakiza ubugingo urupfu, kandi azatwikīra ibyaha byinshi.

James 5

5

¹Go to now, ye rich men, weep and howl for your miseries that shall come upon you. ²Your riches are corrupted, and your garments are motheaten. ³Your gold and silver is cankered; and the rust of them shall be a witness against you, and shall eat your flesh as it were fire. Ye have heaped treasure together for the last days. ⁴Behold, the hire of the labourers who have reaped down your fields, which is of you kept back by fraud, crieth: and the cries of them which have reaped are entered into the ears of the Lord of sabaoth. ⁵Ye have lived in pleasure on the earth, and been wanton; ye have nourished your hearts, as in a day of slaughter. ⁶Ye have condemned and killed the just; and he doth not resist you.

⁷Be patient therefore, brethren, unto the coming of the Lord. Behold, the husbandman waiteth for the precious fruit of the earth, and hath long patience for it, until he receive the early and latter rain. ⁸Be ye also patient; stablish your hearts: for the coming of the Lord draweth nigh. ⁹Grudge not one against another, brethren, lest ye be condemned: behold, the judge standeth before the door. ¹⁰Take, my brethren, the prophets, who have spoken in the name of the Lord, for an example of suffering affliction, and of patience. ¹¹Behold, we count them happy which endure. Ye have heard of the patience of Job, and have seen the end of the Lord; that the Lord is very pitiful, and of tender mercy. ¹²But above all things, my brethren, swear not, neither by heaven, neither by the earth, neither by any other oath: but let your yea be yea; and your nay, nay; lest ye fall into condemnation. ¹³Is any among you afflicted? let him pray. Is any merry? let him sing psalms. ¹⁴Is any sick among you? let him call for the elders of the church; and let them pray over him, anointing him with oil in the name of the Lord: ¹⁵And the prayer of faith shall save the sick, and the Lord shall raise him up; and if he have committed sins, they shall be forgiven him. ¹⁶Confess your faults one to another, and pray one for another, that ye may be healed. The effectual fervent prayer of a righteous man availeth much. ¹⁷Elias was a man subject to like passions as we are, and he prayed earnestly that it might not rain: and it rained not on the earth by the space of three years and six months. ¹⁸And he prayed again, and the heaven gave rain, and the earth brought forth her fruit. ¹⁹Brethren, if any of you do err from the truth, and one convert him; ²⁰Let him know, that he which converteth the sinner from the error of his way shall save a soul from death, and shall hide a multitude of sins.

public domain (Public domain)